दुलेगौंडा । अन्तर्राष्ट्रिय युवा दिवसको अवसरमा राष्ट्रिय स्वतन्त्र पार्टी रास्वपाले तनहुँका विभिन्न पालिकामा सचेतनामूलक तथा सामाजिक कार्यक्रम आयोजना गरेको छ।

रास्वपा तनहुँका सचिव अनिल श्रेष्ठका अनुसार जिल्लाका विभिन्न पालिका समितिमार्फत शैक्षिक सामग्री वितरण, लागुऔषध दुर्व्यसन नियन्त्रण, ट्राफिक नियम पालनासम्बन्धी सचेतना, एआईको बढ्दो प्रयोगबाट उत्पन्न चुनौतीबारे जानकारी, सरसफाइ तथा डेंगी नियन्त्रणसम्बन्धी कार्यक्रम आयोजना गरिएको हो।

यसैक्रममा शुक्लागण्डकी नगर समितिले शुक्लागण्डकी नगरपालिका–२ नर्सरीस्थित श्रमिक आधारभूत विद्यालयमा शैक्षिक सामग्री वितरण गरेको छ। नगर सभापति हरिबहादुर खड्काका अनुसार विद्यालयमा अध्ययनरत ८० जना विद्यार्थीलाई जनही एक दर्जन कापी, एक दर्जन सिसाकलम र ज्यामेट्री बक्ससहितको शैक्षिक सामग्रीको सेट वितरण गरिएको हो।

रास्वपा तनहुँका जिल्ला सभापति विश्व बास्तोलाको प्रमुख आतिथ्यतामा भएको कार्यक्रममा विद्यालय व्यवस्थापन समितिकी अध्यक्ष गौमाया थापा, प्रधानाध्यापक केशवराज पौडेल र नगर सभापति हरिबहादुर खड्कालगायतले शैक्षिक सामग्री वितरणले विद्यार्थीलाई नियमित रूपमा विद्यालय आउन प्रोत्साहन पुग्ने विश्वास व्यक्त गर्नुभयो।

उहाँहरूले शिक्षा क्षेत्रको विकास तथा विद्यालयको शैक्षिक गुणस्तर सुधारका लागि सबै पक्षले चासो र जिम्मेवारीका साथ काम गर्नुपर्नेमा जोड दिनुभयो।

यस्तै, व्यास नगर समितिले बढ्दो लागुऔषध दुर्व्यसन, ट्राफिक नियमको पालना तथा एआईको बढ्दो प्रयोगसँगै देखिएका चुनौतीबारे सचेतनामूलक कार्यक्रम आयोजना गरेको छ।

म्याग्दे गाउँपालिका–गुणादीमा बृहत् सरसफाइ कार्यक्रम तथा भिमाद नगर समितिले डेंगी नियन्त्रण र रोकथामसम्बन्धी सचेतनामूलक कार्यक्रम आयोजना गरेको रास्वपा तनहुँले जनाएको छ।

युवा दिवसलाई सामाजिक उत्तरदायित्व, शिक्षा, स्वास्थ्य, वातावरण तथा प्रविधिको सही प्रयोगसँग जोड्दै जिल्लाका विभिन्न स्थानमा कार्यक्रम आयोजना गरिएको रास्वपाले जनाएको छ।

कांग्रेसको चियापानमा दलहरूबीच घोचपेच, आत्मालोचना र रास्वपालाई चेतावनी

तनहुँ । नेपाली कांग्रेसले तनहुँको शुक्लागण्डकी नगरपालिका–४, दुलेगौडामा आयोजना गरेको शुभकामना आदानप्रदान तथा चियापान कार्यक्रममा विभिन्न

संविधान र लोकतन्त्रविरुद्ध सरकार अघि बढे कांग्रेस चुप लाग्दैन : महामन्त्री पौडेल

दुलेगौँडा  । नेपाली कांग्रेसका महामन्त्री प्रदीप पौडेलले संविधान र लोकतान्त्रिक व्यवस्थाविरुद्ध सरकार अघि बढे कांग्रेस चुप लागेर नबस्ने चेतावनी

काँग्रेस अधिवेशन : तनहुँ १ मा त्रिपाठी निर्वाचित, २ मा जितराज रानाको अग्रता, महाधिवेशन प्रतिनिधिमा स्थापित नेतालाई मत

दुलेगौँडा । नेपाली कांग्रेसको १५औँ महाधिवेशनअन्तर्गत वडा तथा नगर÷गाउँ अधिवेशन सम्पन्न भएसँगै अहिले निर्वाचन क्षेत्र केन्द्रित अधिवेशन