दुलेगौँडा ।

नेपाल भ्रमण बर्ष सन् २०२० लाई लक्षित गरी शुक्लागण्डकी वडा नं-१२ का गुरुङहरुले भव्य रुपमा ल्होसार पर्व मनाउने भएका छन् । गुरुङहरुको बाक्लो वस्ती रहेको फिरफिरेमा तमु ह्युला छोंज धिं शुक्लागण्डकी फिरफिरेको आयोजनामा सवै गुरुङहरु एकै ठाँउमा भेला भएर मनोरञ्जनात्मक कार्यक्रम सहित ल्होसार मनाउने भएका हुन् । पर्यटन बर्षको अभियानलाई सफल पार्न १२ नं वडाले पनि जाउ है फिरफिरे” अभियान संचालन गरिरहेको छ ।

फिरफिरेमा रहेका गुरुङहरुलाई आठ समुहमा विभाजन गरेर प्रत्येक समुहलाई फरक फरक परिकारहरु रोटी,बटुक,बिरम्ला बनाउने जिम्मा दिइएको वडाध्यक्ष मनराज गुरुङले जानकारी दिए ।त्यस्तै फरक-फरक मौलिक सांस्कृतिक प्रस्तुतिहरु  सोरठी,घाटु,सालैजो,ठाडो भाका,कौराहा भाकाहरु गाउँ अनुसार कार्यक्रममा प्रस्तुत गरिने वडाध्यक्ष गुरुङले बताए ।वडाभरिका गुरुङहरुलाई एकै ठाँउमा भेला गराएर ल्होसार मनाउदाँ आपसी मेलमिलाप,सद्धभाव एवं एकता कायम गर्न सकिने वडाध्यक्ष गुरुङको भनाई छ ।

“सामुहिक रुपमा कार्यक्रम गर्दा गुरुङ समुदायमा भएको मौलिक संस्कृति संरक्षणमा टेवा पुग्छ”-उनले भने-“यस कार्यक्रमले सरकारले घोषणा गरेको भ्रमण बर्षलाई समेत सफल बनाउन सहयोग पु¥याउने विश्वास लिएका छौँ ।“ 

सो अवसरमा विविध खेलकुद कार्यक्रमहरु महिला तथा पुरुष डोरी तान्ने,घैटो फुटाउने ,छेलो हान्ने प्रतियोगिता पनि हुने भएको छ । छो धिंले नगरमै नयाँ कार्यक्रम ढिडो खाने प्रतियोगिता समेत आयोजना गरेको छ । यस कार्यक्रमतर्फ सवैको चासो र ध्यान केन्द्रित भएको पाइएको छ भने सामुहिक भोज समेत गरिने छ ।

ल्हो’भन्नाले वर्ष तथा ‘सार भन्नाले ‘नयाँ’भन्ने बुझाउँछ । प्रत्येक वर्ष ल्होसारका अवसरमा आफ्ना मान्यजनबाट आशीर्वाद लिने र शुभकामना आदानप्रदान गरिन्छ । साथै नयाँ लुगा लगाउने, मिष्ठान्न भोजन गर्ने र नाचगान गरी रमाइलो गर्ने परम्परा छ । नयाँ वर्षका रूपमा ल्होसार पर्व नेपालमा तामाङ, शेर्पा, गुरुङ, मगर, थकाली, जिरेल, नेस्याङ्वा, भोटे, दुरा र लेप्चालगायतका जातिले पनि मनाउने गर्छन् ।प्रत्येक १२ वर्षमा युग परिवर्तन हुने र यी वर्षलाई मुसा, गोरु, बाघ, खरायो, बिरालो, गरुड, सर्प, घोडा, भेडा, बाँदर, कुकुर र बँदेलका प्रतिकका रूपमा लिइन्छ । यो वर्ष गुरुङ जातिले बाँदर वर्गलाई बिदाइ गरेर च्यु(मुसा )वर्गका रूपमा स्वागत गर्दैछन् ।

शुक्लागण्डकीमा नेकपाको जागरण अभियान सुरु

दुलेगौंडा । केन्द्रदेखि जिल्ला तहले सुरु गरेको नेपाली कम्युनिष्ट पार्टीको जागरण अभियान शुक्लागण्डकी नगरपालिकामा पनि सुरु भएको छ । पार्टी संगठन

दुलेगौँडा खानेपानी समितिको ३४ औँ वार्षिकोत्सव तथा १२ औँ साधारणसभा सम्पन्न

दुलेगौंडा । तनहुँको दुलेगौँडा बजार क्षेत्रमा खानेपानी आपूर्ति गर्दै आएको दुलेगौँडा खानेपानी तथा सरसफाइ उपभोक्ता समितिको ३४ औँ वार्षिकोत्सव तथा १२

तीनखोले बचत तथा ऋण सहकारीको १३औँ वार्षिक साधारणसभा सम्पन्न

खैरेनीटार । तनहुँको शुक्लागण्डकी नगरपालिकाको खैरेनीटारमा रहेको तीनखोले बचत तथा ऋण सहकारी संस्था लिमिटेडको १३औँ वार्षिक साधारणसभा सम्पन्न भएको छ