शुक्लागण्डकी । तनहुँको शुक्लागण्डकी नगरपालिका–९, मालेबगरस्थित तालवेशी शान्ति टोलले ब्लड क्यान्सरबाट पीडित दुई वर्षीय शिवान्स पौडेलको उपचारका लागि आर्थिक सहयोग प्रदान गरेको छ।

मानवीय सेवाभाव र सामाजिक उत्तरदायित्वलाई आत्मसात गर्दै टोलबासीहरूले स्वेच्छिक रूपमा संकलन गरेको १० हजार ८ सय ५० रुपैयाँ एक कार्यक्रमका बीच बिरामीका बुवा कृष्णप्रसाद पौडेललाई हस्तान्तरण गरिएको हो। सहयोग रकम टोलका अध्यक्ष कृष्णबहादुर कार्कीले हस्तान्तरण गर्नुभएको थियो।

कार्यक्रममा बोल्दै टोलका सचिव मदन रेग्मीले दुःखको घडीमा एकअर्कालाई साथ दिनु नै समाजको वास्तविक शक्ति भएको उल्लेख गर्दै आगामी दिनमा पनि यस्ता मानवीय अभियानलाई निरन्तरता दिने प्रतिबद्धता व्यक्त गर्नुभयो। उहाँले प्राप्त सहयोगले बालक शिवान्सको उपचारमा केही राहत पुग्ने विश्वाससमेत व्यक्त गर्नुभयो।

कार्यक्रममा टोलबासी तथा स्थानीय समाजसेवीहरूको सहभागिता रहेको थियो। सहयोग अभियानमा प्रत्यक्ष तथा अप्रत्यक्ष रूपमा साथ दिने सम्पूर्ण सहयोगीप्रति तालवेशी शान्ति टोलले हार्दिक आभार व्यक्त गरेको छ।

शुक्लागण्डकीमा संगठित बने भारतीय पूर्वसैनिक

खैरेनीटार । भारतीय सेनाबाट अवकाश प्राप्त पूर्वसैनिकहरू शुक्लागण्डकीमा संगठित भएका छन् । गैरराजनीतिक रूपमा सामाजिक सेवामा सक्रिय हुने उद्देश्यले

गल्छिनाका मुस्लिम समुदायबाट बाढीपीडितका लागि ७१ हजारभन्दा बढी सहयोग

दुलेगौँडा । भोटेकोशी बाढीबाट प्रभावित परिवारको राहत तथा उद्धारका लागि तनहुँको शुक्लागण्डकी नगरपालिका–५, गल्छिनाका मुस्लिम समुदायले ७१ हजार ७ सय

मिर्गौला पीडित अनिल नेपालीलाई पोर्चुगलमा रहेका नेपालीको सहयोग

दुलेगौंडा । तनहुँको शुक्लागण्डकी नगरपालिका–६ दरगाउँ निवासी ३१ वर्षीय मिर्गौला पीडित अनिल नेपालीलाई पोर्चुगलमा रोजगारीका लागि पुगेका नेपालीहरूले